Day 2 - 台場

食埋野先去搭百鴿海鷗號去台場睇 Toyota 車展。我地一家真係好 lucky呀，百鴿海鷗號既車票比一般JR貴，單程都要 450Yen，係準備買票之際竟然有兩個買左Daypass既日本姐姐俾左個pass我地，我諗佢地玩完又見我地都係要買，於是就送左比我地囉，慳番 3600Yen呀！哈！哈！又多啲錢食餐好既。

Toyota 車展入面我仲試左好多款車添。不過最型梗係呢架Kart仔啦！

睇完車車之後，我地就去左坐幸福魔天輪。嘩！好高呀！不過我一啲都吾驚，仲同 Daddy & Mama 望住出面既日本東京夜景。係呢個甘浪漫既時刻我梗要 kiss 媽咪一啖啦！但真係太黑，睇吾清楚，咬左落媽咪咀咀。Sorry 呀！下次都係吾好摸黑 kiss 啦！