Day 5 - 買手信、回程

終於到最后一日啦！今日最主要要做既就係去買手信，不過去之前媽咪就行李，我就係民宿影番啲相留念。呢件日本衫係淺草買架，襯吾襯我呀？

影完相就出發去買手信，你地睇下最後我地一家人好似走難甘，不過好在有我架車仔做埋貨車，你地睇架車仔坐左我之外，車網又放左野，連車扶手都掛晒野架。

回程既飛機吾滿，所以空中小爺揾左一行3個位俾我哋。好開心，我都有位坐呀！吾單只有位坐，仲有私伙餐食添。

玩左甘多日，你地睇下我同爸爸都疲倦得緊要，好在下年係細佬去，我可以休息一年，但係Daddy出年又辛苦你啦！

Day 4 - 三鷹美術館

之前我地已經買左9月17日. 4:00pm 去三鷹美術館既飛，但係去之前我地先行下池袋既 Sunshine通同Tokyo Hand。食完 lunch就向三鷹出發，其實三鷹美術館就係宮崎駿既美術館。呢個館好嚴，遲多30分鐘吾入得，我地去到JR三鷹站miss左4:20pm班美術館巴士，攪到Daddy & Mama要狂跑先趕得切，不過去到我地入左去個工作人員仲裝裝下睇下有無人，我諗吾係真係甘嚴jer。

館入面有動畫展覽，動畫製作，宮崎駿手稿，我地仲睇左一場20分既卡通，雖然全日文聽吾明，不過淨睇啲畫已經好正。


睇完藝術，我地就出番去夜遊新宿，行左間四層高Muji，見到個大豆袋走埋去試下，又真係好舒服喎！

Day 3 - 東京廸士尼 (1)

今日只有一個目的地 - 東京廸士尼。我甘大個仔第一次去廸士尼，的確有啲緊張。去到買飛入口個天仲落住微微細雨，我都擔心一陣會吾會變大雨，但係一入左樂園大陽伯伯竟然走左出黎，仲陪左我成日添。日本人去廸士尼會扮鬼扮馬去應節，好似今次係Halloween，啲人真係扮晒鬼怪甘去架！

係樂園入面我玩左好多野，又坐船玩小小世界，又揸跑車，我仲坐小飛象睇煙花添，真係畢生難忘呀！

Day 3 - 東京廸士尼 (2)

因為Halloween 所以廸士尼有多個 Halloween parade，超精彩，不枉我地早半個鐘買定野食罷定位等睇 show。







我地玩到9:30pm先走，好盡興呀！我就真係忍吾住一路上瞓着， Daddy & Mama 就親住我瞓左就拍拖食咖哩飯。算啦我繼續坋瞓覺啦！

Day 2 - 台場

食埋野先去搭百鴿海鷗號去台場睇 Toyota 車展。我地一家真係好 lucky呀，百鴿海鷗號既車票比一般JR貴，單程都要 450Yen，係準備買票之際竟然有兩個買左Daypass既日本姐姐俾左個pass我地，我諗佢地玩完又見我地都係要買，於是就送左比我地囉，慳番 3600Yen呀！哈！哈！又多啲錢食餐好既。

Toyota 車展入面我仲試左好多款車添。不過最型梗係呢架Kart仔啦！

睇完車車之後，我地就去左坐幸福魔天輪。嘩！好高呀！不過我一啲都吾驚，仲同 Daddy & Mama 望住出面既日本東京夜景。係呢個甘浪漫既時刻我梗要 kiss 媽咪一啖啦！但真係太黑，睇吾清楚，咬左落媽咪咀咀。Sorry 呀！下次都係吾好摸黑 kiss 啦！

Day 2 - 汐留

大既黄昏我地就去咗台場，即係 Love Generation 彩虹橋嗰度呀。我地先由新橋去左汐留買左麵包超人產品 (因為 7:00 pm就關門大吉)，見到一個 Anpanman既琴，我既藝術細胞又湧出黎啦！彈番一曲就梗啦。


仲引左兩個知音人添。

Day 2 - 淺草寺

琴晚休息左一晚，今朝起身先同爸爸沖番個靚凉，又開始今日既行程。今日我地去拜神。


哈！其實係去淺草寺，撞正日本老人節，寺入面特別多人，真係香火頂盛架！我未有宗教信仰，所以都係同爸爸行吓，參觀吓！


我地仲揾左一間街邊檔，食吓地道野。最求其又特別得黎可以話係呢個日本蕃茄，要300Yen，不過又真係幾清甜既。


拜完神，本來想去三鷹美術館，點知啲門票已經賣晒，唯有改行程啦！

Day 1 - 池袋之夜

我地住既民宿係池袋，由於第一日我地又早起身、又舟車勞頓，所以到步當日我地一家都係池袋附近行下。對我黎講無咩野比食緊要，行左一陣我地就揾左一間叫 "七志"既拉麵店食麵。嘩！豬骨湯超濃，超好味呀！呢個旅程我都食左好多吾同既野，跟住會慢慢同大家分享架啦！

Day 1 - 向日本出發

媽咪成日同我講雖然我係一個不折不扣既長洲仔，但係媽咪教我一定要多啲出外睇多啲、見識多啲。為左令我增廣見聞，媽咪就係今個中秋節帶我去日本玩。早幾日，媽咪已經執好行李，仲一路執一路呻 “嘩！黄梓榛，你睇吓！全部行李都係你架！”。 哈！第一次出遠門係媽咪緊張jer！咩都帶 double，咪攪到未出發先爆喼 lor。

2008年9月14日凌晨4:00am 媽咪已經起身開始準備出門口，係門口同小B道別之後，我地就一家三口浩浩湯湯向住機塲出發。我地塔 5:10am 船出中環，雖然我甘早起身，但係一啲都無影響我玩既心情。

係機場快綫食支奶，去到機塲仲要 share 媽咪碗通紛，上到飛機又話食餅、提子乾，一心諗住用食黎對抗睡魔。點知都係敵吾過睡魔，瞓左！都好瞓一陣留番到日本玩！

不過，第一次搭飛機無理由瞓足全程甘浪費，梗要揾啲野娛樂下自己，娛樂下 Daddy & Mama 啦！

落左機場穿梭巴士，行左大概十分鐘 (行加揾) 到民宿，一入房，嘩！和式架，好得意，可以同 Daddy & Mama 一齊瞓，正呀！